Tadbir "Valday" xalqaro munozara klubi tomonidan tashkil etildi.
Anjumanda Rossiya, Xitoy, Hindiston, Mo‘g‘uliston, shuningdek, Markaziy Osiyo mamlakatlarining yetakchi tahliliy va davlat tuzilmalarining 30 dan ortiq vakillari ishtirok etdi.
Muzokaralar chog‘ida iqtisodiy, transport-logistika, texnologik va madaniy-gumanitar sohalardagi Rossiya-Markaziy Osiyo hamkorligining bugungi holati va istiqbollari muhokama qilindi.
MOXI direktori o‘rinbosari Sh.Fayziyev o‘z nutqida Markaziy Osiyoda ichki mintaqaviy ishonchni mustahkamlash, o‘zaro bog‘liqlikni oshirish va barqaror muvofiqlashtirish mexanizmlarini shakllantirish bilan birga sifatli o‘zgarishlar yuz berayotganini ta’kidladi.
Mintaqa davlatlari rahbarlarining ochiq muloqoti tufayli "Yangi Markaziy Osiyo" umumiy manfaatlar, ustuvorliklar va birgalikda rivojlanish makoni sifatida bosqichma-bosqich shakllanayotgani ta’kidlandi.
Ozarbayjonning formatga to‘laqonli a’zo sifatida qo‘shilishi e’lon qilingan Toshkent sammiti tarixiyligi ta’kidlandi. Bu mintaqaviy kooperatsiya, transport jihatidan o‘zaro bog‘liqlikni kengaytirish va yanada barqaror hamkorlik arxitekturasini shakllantirish uchun yangi imkoniyatlar ochishi ta’kidlandi.
Shuningdek, Sh.Fayziyev "Markaziy Osiyo - Rossiya" formati tarixiy, iqtisodiy, infratuzilmaviy va gumanitar o‘zaro bog‘liqlikning yuqori darajasini hisobga olgan holda mintaqa davlatlari uchun alohida ahamiyat kasb etishini ta’kidladi.
Forum doirasida ishtirokchilar Rossiya va Markaziy Osiyo davlatlari o‘rtasidagi, eng avvalo, infratuzilmani rivojlantirish, texnologik kooperatsiya, o‘z ishlab chiqarish zanjirlarini shakllantirish va boshqa sohalardagi hamkorlikning salmoqli salohiyatiga e’tibor qaratdilar.
Shu bilan birga, ishtirokchilar mintaqada uzoq muddatli hamkorlik va o‘zaro ishonch asosi sifatida madaniy-gumanitar va ta’lim sohasidagi hamkorlikning roli ortib borayotganini ta’kidladilar.
Shu munosabat bilan akademik almashinuvlar, ikki tomonlama diplom dasturlarini kengaytirish, kadrlar tayyorlash va rus tilining Markaziy Osiyo ta’lim makonidagi o‘rnini mustahkamlash zarurligi ta’kidlandi.
"Valday" xalqaro munozara klubi jahon siyosati, iqtisodiyoti va xalqaro xavfsizlik masalalariga ixtisoslashgan Rossiyaning yetakchi ekspert-tahliliy maydonlaridan biridir. Klub konferensiyasining Markaziy Osiyo formati 2020-yildan buyon o‘tkazib kelinmoqda.
MOXI "Valday" xalqaro munozara klubi tadbirlarining doimiy ishtirokchisi bo‘lib, Markaziy Osiyo kun tartibining dolzarb masalalari bo‘yicha tadbirlarning mazmunli va munozarali qismiga, shuningdek, "MO-RF" formati doirasidagi hamkorlikka hissa qo‘shadi.
