Yuk tashishni koʼpaytirish va savdo tartib-qoidalarini soddalashtirish, ayniqsa, dengizga chiqish imkoniyati boʼlmagan davlatlar uchun mazkur xalqaro tranzit yoʼlagini rivojlantirish va ilgari surish masalalari muhokama qilindi.

“Bugungi kunda Tojikiston saʼy-harakatlari va Xitoy koʼmagida Shugʼnon viloyati maʼmuriy markazi – Qalay-Xumb – Vanj avtomobil yoʼlining uzunligi 92 km boʼlgan qurilish loyihasi amalga oshirilmoqda. Loyiha TOʼTET multimodal koridorini yanada rivojlantirishga xizmat qiladi”, — dedi Tojikiston transport vaziri А.Ibroxim.

А.Ibrohim Tojikiston jahon hamjamiyatining bir qismi sifatida barqaror savdo va iqtisodiy oʼsishga koʼmaklashish maqsadida xalqaro savdoni taʼminlashda transport-logistikani rivojlantirishga saʼy-harakatlarni amalga oshirayotganini taʼkidladi.

Maʼlumot uchun: Tojikiston, Oʼzbekiston, Turkmaniston va Eron orqali Xitoydan Turkiyaga yuk tashishning yangi yoʼnalishi ilk bor 2022-yil 18-oktabr kuni Dushanbe shahrida boʼlib oʼtgan “Tojikiston va Rossiya oʼrtasidagi transport aloqalarini rivojlantirishda logistika va uning afzalliklari” xalqaro konferensiyasi doirasida taqdim etilgan edi. mintaqa mamlakatlari