Qirg'iziston delegatsiyasiga tashqi ishlar vaziri o'rinbosari Aybek Moldogaziev, Turkiya delegatsiyasiga tashqi ishlar vaziri o'rinbosari Burak Akchapar boshchilik qildi. Maslahatlashuvlarda Qirg'izistonning Turkiyadagi elchisi Ruslan Kazakboyev ham ishtirok etdi.

Tashqi ishlar vazirligi matbuot xizmati xabar berishicha, o'tgan siyosiy maslahatlashuvlar chog'ida siyosiy, savdo-iqtisodiy, harbiy-texnikaviy va madaniy-gumanitar sohalardagi ikki tomonlama hamkorlik masalalari muhokama qilindi.

Xalqaro va mintaqaviy tashkilotlar doirasidagi o'zaro hamkorlik, ko'p tomonlama platformalarda qo'shma harakatlarni muvofiqlashtirish masalalari atroflicha muhokama qilindi.

Tomonlar, shuningdek, bo'lajak tadbirlar jadvalini ko'rib chiqdilar hamda rejalashtirilgan tashriflar va oliy va yuqori darajadagi uchrashuvlarni muhokama qildilar.

Ikki tomonlama savdo-iqtisodiy aloqalarni rivojlantirish va chuqurlashtirish, mamlakatlar o'rtasidagi o'zaro tovar ayirboshlashni ko'paytirish, shu jumladan Qirg'iziston-Turkiya taraqqiyot jamg'armasini (investitsiyalarini) tashkil etish, shuningdek, Qirg'izistonga turk sarmoyalarini jalb qilish va biznes bilan bog'liq masalalarni hal etish masalalari, shuningdek Turk shirkatlarining Qirg'izistondagi faoliyati muhokama qilindi.

Qirg'iziston tomoni 150 nafar Qirg'iziston fuqarosining Turkiyadagi tibbiyot muassasalarida har yili bepul davolanishini ko'zda tutuvchi Sog'liqni saqlash va tibbiyot fanlari sohasida hamkorlik to'g'risidagi bitimni amalga oshirishni tezroq qayta boshlash muhimligini alohida ta'kidladi, shuningdek, taqdim etilgan kvotani kengaytirish iltimosini bildirdi.

Qirg'iziston va Turkiya fuqarolarining o'zaro safarlari, qolish shartlarini soddalashtirish va ikki davlat fuqarolari uchun vizasiz rejimni uzaytirish masalalari muhokama qilindi.