Uchrashuvda Oʻzbekiston – Germaniya hamkorligini yanada rivojlantirish, siyosiy muloqotni mustahkamlash, savdo-iqtisodiy aloqalar va madaniy-gumanitar hamkorlikni kengaytirishning asosiy masalalari koʻrib chiqildi.
 
Oʻzbekiston Respublikasi Prezidenti Shavkat Mirziyoyev va Germaniya Federal Prezidenti Frank-Valter Shtaynmayer oʻtkazilgan muzokaralar yakunlari boʻyicha Qoʻshma bayonot qabul qilib, koʻp qirrali hamkorlikni yanada mustahkamlashga intilishlarini tasdiqladilar.
 
Ikki mamlakat yetakchilari huzurida bir qator qoʻshma investitsiya va taʼlim loyihalariga start berildi.
 
Ushbu tashabbuslarni amalga oshirish sanoat kooperatsiyasini kengaytirish, infratuzilmani rivojlantirish, yangi ish oʻrinlarini yaratish hamda Oʻzbekiston va Germaniya oʻrtasidagi sheriklikni yanada mustahkamlashga xizmat qiladi.

Batafsil: https://president.uz/oz/lists/view/9325