Markaziy Osiyo davlatlari yangiliklari
09.08.2026
|
101
O‘zbekiston turizmni rivojlantirish sur’ati bo‘yicha Markaziy Osiyoda yetakchiga aylandi — WTTC hisoboti
Butunjahon sayohat va turizm kengashining (WTTC) “Travel & Tourism Economic Impact Research 2026” tadqiqotiga ko‘ra, 2025-yil yakunlari bo‘yicha Markaziy Osiyo dunyoning eng tez rivojlanayotgan sayyohlik mintaqasiga aylangan. Sohaning mintaqa yalpi ichki mahsulotiga qo‘shgan umumiy hissasi 17,7 foizga o‘sgan, turistik xizmatlar eksporti esa 9,9 mlrd dollarga (+26,4%) yetgan.
Bu hajmning qariyb yarmi — 4,8 mlrd dollar — O‘zbekiston hissasiga to‘g‘ri keladi. Shuningdek, respublika Qozog‘iston (23%) va Qirg‘izistonni (18%) ortda qoldirib, mintaqa aholisi orasida eng ommabop yo‘nalishga aylangan (sayyohlar oqimining 25%).
Hisobotda Markaziy Osiyoning yagona sayyohlik hududini shakllantirish salohiyati alohida ta’kidlangan: chegara tartib-taomillarini soddalashtirish, aviaqatnovlarni va qo‘shma yo‘nalishlarni rivojlantirish xorijiy sayyohlar oqimini sezilarli darajada oshirishi mumkin. WTTC prognoziga ko‘ra, 2036-yilga borib sohaning mintaqa iqtisodiyotiga qo‘shadigan hissasi 29,7 mlrd dollarga yetadi.
Batafsil: https://researchhub.wttc.org/product/central-asia-economic-impact-report
