Asosiy tashabbuslar:

"Markaziy Osiyo – Koreya Respublikasi: jadal rivojlanish yo‘lidagi hamkorlik" uzoq muddatli konseptual Qarashini va Jadal rivojlanish loyihalari portfelini shakllantirish;

O‘zbekistonda avtomobil butlovchi qismlari, elektrotexnika, mashinasozlik, farmatsevtika va kimyo sanoatiga ixtisoslashgan "Markaziy Osiyo – Koreya" sanoat-texnologiya parkini tashkil etish; 2030-yilga borib o‘zaro tovar ayirboshlash hajmini 20 milliard dollarga yetkazish;

geologik qidiruvdan tortib xomashyoni chuqur qayta ishlashgacha bo‘lgan muhim minerallar bo‘yicha Mintaqaviy investitsiya alyansini shakllantirish;

“yashil” texnologiyalar transferini ta’minlash maqsadida Markaziy Osiyo va Koreya o‘rtasida iqlim va uglerod hamkorligi formatini ishga tushirish;

"buyurtma – o‘qitish – bandlik" tamoyili asosida inson kapitalini rivojlantirish sohasida uzoq muddatli Hamkorlikni shakllantirish.

Prezident, shuningdek, 2027-yilda O‘zbekiston Koreya bilan diplomatik munosabatlar o‘rnatilganining 35 yilligi va koreys diasporasining mintaqada istiqomat qilishining 90 yilligi munosabati bilan tadbirlar o‘tkazishini ma’lum qildi.

Batafsil: https://president.uz/oz/lists/view/9624