Suhbat chog‘ida O‘zbekiston-Yaponiya strategik sherikligining ustuvor yo‘nalishlari, shuningdek, "Markaziy Osiyo+Yaponiya" muloqoti doirasidagi hamkorlik muhokama qilindi.

O‘zbekiston Respublikasi Prezidenti Shavkat Mirziyoyevning 2025-yil dekabr oyida Tokioga tashrifi doirasida erishilgan kelishuvlar ijrosining borishiga alohida e’tibor qaratildi.

J. Vaxabov O‘zbekiston-Yaponiya strategik sherikligining dinamikasiga yuqori baho berdi. Uning so‘zlariga ko‘ra, oliy darajada erishilgan kelishuvlar izchillik bilan amaliy hayotga tatbiq etilmoqda hamda iqtisodiyot, ta’lim, inson kapitalini rivojlantirish va mintaqaviy o‘zaro bog‘liqlik sohalaridagi hamkorlikni kengaytirish uchun zamin yaratmoqda.

Ikki tomonlama kun tartibi ko‘p tomonlama hamkorlik bilan uyg‘unlashib borayotgani ta’kidlandi. Shu nuqtayi nazardan, "Markaziy Osiyo+Yaponiya" muloqotining Yaponiyani mintaqa mamlakatlari bilan yaqinlashtirishning barqaror mexanizmlaridan biri sifatidagi roli ta’kidlandi.

O‘z navbatida, E. Arfiya O‘zbekiston Yaponiyaning Markaziy Osiyodagi muhim strategik hamkori ekanini ta’kidladi. U ikki tomonlama hamkorlikning ijobiy dinamikasini ta’kidlab, Yaponiya tomoni O‘zbekiston bilan hamkorlikni yanada rivojlantirishga tayyorligini bildirdi.

Uchrashuv yakunida tomonlar O‘zbekiston-Yaponiya kelishuvlarini amalga oshirish va "Markaziy Osiyo+Yaponiya" formatida ekspert hamkorligini rivojlantirish bo‘yicha ishchi muloqotni davom ettirishga kelishib oldilar.