Uchrashuvda O‘zbekiston Respublikasi Prezidenti Sh.Mirziyoyevning 2023-yil 26-27-yanvar kunlari Qirg‘izistonga davlat tashrifi doirasida imzolanishi rejalashtirilgan ikki tomonlama hujjatlarning mazmun-mohiyati muhokama qilindi.

B.To‘roboyev O‘zbekiston rahbarining davlat tashrifi va samarali ikki tomonlama uchrashuvlar tashkil etishga qizg‘in tayyorgarlik ko‘rilayotganini ta’kidladi. Savdo-iqtisodiy va sarmoyaviy hamkorlikni kengaytirish va rivojlantirishga alohida eʼtibor qaratilmoqda.

Shuningdek, Qirg‘iziston va O‘zbekiston o‘rtasidagi turli sohalardagi hamkorlik ijobiy natijalar berishiga urg‘u berdi.

L.Qudratov Qirgʻiziston-Oʻzbekiston biznes-forumi va ikki davlat rahbarlarining boʻlajak uchrashuvi ikki davlat ishbilarmon doiralari oʻrtasidagi aloqalarni mustahkamlashga qaratilganini taʼkidladi.

Ma’lumot uchun: Davlat tashrifi doirasida 18 ta, “Qirg‘iziston – O‘zbekiston” biznes-forumi davomida esa 10 ta hujjat imzolanishi kutilmoqda.