Prezidentga Qozogʻiston neftining eksport yoʻnalishlarini rivojlantirish haqida maʼlumot berildi. Xususan, Germaniyaga va Ozarbayjon yo‘nalishi bo‘yicha Boku-Tbilisi-Jayhon neft quvuri orqali xomashyo yetkazib berish boshlandi, Birlashgan Arab Amirliklari hamkorlari bilan tankerlar parki kengaytirildi.

Davlat rahbariga tovar gazini ishlab chiqarishni ko‘paytirish va ichki bozorni neft mahsulotlari bilan uzluksiz yetkazib berish, shuningdek, investitsiyalarni jalb etish va neft-kimyo loyihalarini rivojlantirish bo‘yicha bergan topshiriqlari ijrosi haqida ma’lumot berildi.

Shu bilan birga, M.Mirzagaliyev Kaspiy dengizining Qozog‘iston sektorida “Qalamqas-dengiz, Xazar, Auezov” dengiz loyihasi va milliy kompaniyaning geologiya-qidiruv dasturini amalga oshirish jarayoni haqida ma’lumot berdi.

Shuningdek, Q.-J.Tokayev kompaniya faoliyat yuritayotgan hududlarda ijtimoiy loyihalarni amalga oshirish bo‘yicha hisobotini tingladi. Shu tariqa, Prezidentga “Astraxan-Mang‘ishloq” magistral suv quvurini rekonstruksiya qilish (I bosqich) yakunlangani va Janao‘zen shahri ehtiyojlari uchun yangi tuzsizlantirish zavodi qurilishi boshlangani haqida ma’lumot berildi.

Uchrashuv yakunida davlat rahbari investitsiya loyihalarini amalga oshirish, uglevodorod xomashyosini eksport qilish yo‘nalishlari barqarorligini saqlash va geologiya-qidiruv ishlari ko‘lamini kengaytirish bo‘yicha qator topshiriqlar berdi. Prezident milliy kompaniya faoliyatini neft-kimyo sanoatini rivojlantirishga qaratish muhimligini ta’kidladi.