Uchrashuvda tomonlar suv va elektr energetikasi sohasidagi hamkorlik masalalarini muhokama qildilar. Shu nuqtai nazardan, qayta tiklanadigan energiya manbalarini rivojlantirish Turkmaniston-Amirlik hamkorligining istiqbolli yo‘nalishi sifatida belgilandi, deb xabar qildi Turkmaniston TIV matbuot xizmati.

Shu kuni Rashid Meredov BAA sanoat va ilg‘or texnologiyalar vaziri, Abu-Dabi milliy neft kompaniyasi (ADNOC) bosh direktori Sulton Ahmad Al-Jaber bilan muzokaralar o‘tkazdi. Suhbat, xususan, neft sanoatiga BAAning ilg‘or texnologiyalarini joriy etish, shuningdek, ikki davlat rahbariyati darajasida erishilgan kelishuvlarni amalga oshirish bo‘yicha aloqalarni yo‘lga qo‘yish haqida bo‘ldi. Uchrashuvda Abu Dhabi Future Energy Company (MASDAR) bosh ijrochi direktori Muhammad Jamil Al Ramahi ham ishtirok etdi.

Turkmaniston tashqi ishlar vaziri va Xalqaro qayta tiklanuvchi energiya agentligi (IRENA) bosh direktori o‘rinbosari Gauri Singx o‘rtasida ham uchrashuv bo‘lib o‘tdi. Hamkorlikni kengaytirish kontekstida tomonlar Turkmanistonda IRENA vakolatxonasini ochish imkoniyatlari yuzasidan fikr almashdilar.