Qatar Amir kubogi ot poygalari festivalining yakuniy turniri doirasida bo‘lib o‘tgan uchrashuvda ikki do‘st davlat o‘rtasidagi do‘stona munosabatlar va ko‘p qirrali hamkorlikni rivojlantirish masalalari muhokama qilindi.

Davlat rahbari Qatar Davlati Amirini ot poygalari festivalining yakuniy turniri muvaffaqiyatli o‘tkazilgani bilan tabrikladi, taklif, samimiy qabul va samimiy mehmondo‘stlik uchun minnatdorlik bildirdi.

Qatar Davlati Amiri, o‘z navbatida, Tojikiston terma jamoasining Osiyoning eng yaxshi sakkizta futbol jamoasi qatoriga kirishini sharafli yutuq deb atadi va ushbu yuksak natija bilan Davlatimiz rahbari va Tojikiston xalqini tabrikladi.

Suhbat doirasida tomonlar o‘zaro manfaatli sohalarda ikki davlat o‘rtasidagi munosabatlarni mustahkamlash zarurligini ta’kidladilar. Imomali Rahmon energetika, tog‘-kon sanoati va qishloq xo‘jaligi sohalariga Qatar kapitalini jalb etishdan tomonimiz manfaatdor ekanini alohida ta’kidladi.

Ikki doʻst davlat rahbarlari, shuningdek, tomonlarni qiziqtirgan qator mintaqaviy va xalqaro masalalar yuzasidan ham fikr almashdilar.