Markaziy Osiyo davlatlari yangiliklari
19.09.2024
|
73
O'zbekistonda islomiy moliyalashtirishni rivojlantirish
Poytaxtimizda BMT Taraqqiyot dasturi Istiqbolli loyihalar milliy agentligi (NAPP) va Islom taraqqiyot banki (ITB) bilan hamkorlikda “O‘zbekistonda islom moliyasini joriy etish: imkoniyatlar va muammolar” mavzusida davra suhbati bo‘lib o‘tdi.
Tadbir “O‘zbekistonda kapital bozori to‘g‘risida”gi qonun loyihasini muhokama qilish va “Sukuk” kabi islomiy moliya vositalarini joriy etish masalalarini o‘rganishdan iborat.
Muhokamalarda asosiy davlat idoralaridan, jumladan, Iqtisodiyot va moliya vazirligi hamda Markaziy bankdan 30 dan ortiq vakil ishtirok etdi. Ular Islom bankining qonunchilik bazasi va barqaror rivojlanish uchun sukuk, jumladan, “Yashil sukuk” salohiyatiga e’tibor qaratdilar.
