Unda Qozog‘iston, Qirg‘iziston, Tojikiston, Turkmaniston va O‘zbekiston bilan birga Yevropa Ittifoqi institutlari va xalqaro hamkorlar qatnashdi.
Uchrashuv Global Darvoza (Global Gateway) strategiyasi doirasida mintaqaviy hamkorlikni kuchaytirish, suv resurslaridan samarali foydalanish, qayta tiklanuvchi energiya va iqlimga moslashuv bo‘yicha ustuvor yo‘nalishlarni belgilashga qaratildi.
Yevropa Komissiyasi vakillari suv–energetika–iqlim o‘rtasidagi uzviy bog‘liqlik Markaziy Osiyoning barqaror kelajagi uchun hal qiluvchi ahamiyatga ega ekanini ta’kidladi. GIZ tomonidan boshqariladigan Texnik sekretariat esa mintaqaviy muloqot va hamkorlikni kuchaytirishni davom ettiradi.
Yevrokomissiya vakillari hamkorlikdagi harakatlarning muhimligini ta’kidlab, Kambarota va Rog‘un GESlari kabi yirik mintaqaviy loyihalarga ko‘rsatilayotgan qo‘llab-quvvatlovni alohida qayd etdilar.
Tashabbus mintaqaning barqaror kelajagi yo‘lida sheriklikni mustahkamlash, investitsiyalarni jalb qilish va innovatsion yechimlarni rivojlantirishga qaratilgan.
