Uchrashuvda “Markaziy Osiyo + Yevropa Ittifoqi” sammitini ilmiy-ekspertlik tomonidan qo‘llab-quvvatlashning dolzarb masalalari yuzasidan fikr almashildi. Qo‘shma ilmiy ishlar, ekspert forumlari va munozarali davra suhbatlarini tashkil etish orqali ilmiy hamkorlikni chuqurlashtirishga alohida e’tibor qaratildi.

Muzokaralar chog‘ida MOXI direktori Javlon Vaxabov har ikki institut ilmiy-tadqiqot faoliyatining ustuvor yo‘nalishlari bo‘yicha ko‘plab aloqa nuqtalari mavjudligini, bu qo‘shma loyiha va tashabbuslar uchun keng imkoniyatlar ochayotganini ta’kidladi.

Shu bois, Voytsex Kononchuk mintaqaning global siyosiy va iqtisodiy jarayonlardagi o’rni ortib borayotgani munosabati bilan Polsha tahliliy doiralarining Markaziy Osiyo mamlakatlariga qiziqishi ko’payib borayotganini qayd etdi.

Uchrashuv yakunida ikki institut direktorlari oʻrtasida hamkorlik toʻgʻrisidagi bitim imzolandi, bu esa tomonlarning muloqotni davom ettirish va sheriklikni ham ikki tomonlama, ham koʻp tomonlama shakllarda kengaytirishga tayyorligini tasdiqladi.

M. Karp nomidagi Sharqshunoslik markazi (OSW) 1990 yilda tashkil etilgan Polsha tahlil markazi boʻlib, Markaziy va Sharqiy Yevropa, Bolqon, Kavkaz va Markaziy Osiyodagi siyosiy, iqtisodiy va ijtimoiy vaziyatni oʻrganishga ixtisoslashgan. Markaz xalqaro munosabatlar va mintaqaviy tadqiqotlar sohasida bilim almashish va tahliliy salohiyatni kengaytirish maqsadida turli xalqaro tashkilotlar, tahlil markazlari va tadqiqot institutlari bilan faol hamkorlik qiladi.