Tomonlar 2022-yilda MOXI va IRVETSA KAON o‘rtasida imzolangan Hamkorlik to‘g‘risidagi Bitim uzoq muddatli sheriklikni shakllantirish va qo‘shma tashabbuslarni amalga oshirish uchun mustahkam asos bo‘lib xizmat qilganini qayd etdilar.

Uchrashuv davomida ikki institut o‘rtasida ekspert bilimlari almashinuvi, qo‘shma tadqiqotlar o‘tkazish, muntazam maslahatlashuvlar va ta’limiy forumlar tashkil etishni nazarda tutuvchi 2024–2025 yillarga mo‘ljallangan Qo‘shma Harakatlar Rejasini amalga oshirish masalalari muhokama qilindi.

Tomonlar bugungi Markaziy Osiyo yangi Yevroosiyo jarayonlarining ajralmas qismiga aylanib borayotganini, uning siyosiy va ijtimoiy-iqtisodiy transformatsiyasi xalqaro ekspertlik hamjamiyati e’tiborini tobora ortib borayotganini ta’kidladilar.

Alohida ravishda, 2017-yildan buyon O‘zbekistonda amalga oshirilayotgan keng ko‘lamli islohotlar boshqaruv salohiyatini mustahkamlashga, jamiyatni konsolidatsiya qilishga va davlatlararo hamda mintaqalararo hamkorlik uchun yangi sharoitlar yaratishga xizmat qilayotgani qayd etildi.

Uchrashuv davomida qo‘shma loyihalarni amalga oshirish, ilmiy-ta’limiy almashinuvlarni rivojlantirish, yoshlar tashabbuslarini qo‘llab-quvvatlash va integratsiya, innovatsiya hamda raqamli iqtisodiyot sohasidagi dolzarb masalalar bo‘yicha tahliliy tadqiqotlarni kengaytirish masalalari ham ko‘rib chiqildi.

Ikkala tomon ham tizimli ekspertlik dialogining muhimligini ta’kidlab, tajriba almashish, Markaziy Osiyo va Xitoy o‘rtasida hamkorlikni mustahkamlash va mintaqaning barqaror rivojlanishi uchun amaliy tavsiyalar ishlab chiqishda o‘zaro manfaatdor ekanliklarini bildirdilar.

Shu munosabat bilan, MOXI direktori gumanitar almashuvlarni rivojlantirish, akademik mobillikni qo‘llab-quvvatlash, qo‘shma tadqiqot loyihalarini amalga oshirish va yoshlar, olimlar hamda mutaxassislarni birlashtiruvchi ta’limiy forumlarni tashkil etishga ustuvor ahamiyat berilishini ta’kidladi.

O‘z navbatida, IRVETSA KAON direktori Sun Juanji MOXI bilan muntazam onlayn maslahatlashuvlar o‘tkazishga, jumladan, muhim xalqaro sammitlarga tayyorgarlik ko‘rish, yangi hamkorlik yo‘nalishlarini muhokama qilish va Xitoyning mintaqaviy rivojlanish tajribasini chuqurroq o‘rganishga qiziqish bildirdi.

Uchrashuv yakunida tomonlar hamkorlikni yanada rivojlantirish, qo‘shma ilmiy tadbirlarni amalga oshirish va institutlar o‘rtasida doimiy ekspertlik dialogi platformasini shakllantirish borasidagi intilishlarini yana bir bor tasdiqladilar.