Safar doirasida Oʻzbekistonning Xitoydagi elchixonasi koʻmagida MOXI Xitoy xalqaro muammolar akademiyasi bilan birgalikda “Xitoy va Markaziy Osiyo: yaxshi qo‘shnichilik munosabatlari va har tomonlama hamkorlikni mustahkamlashning yutuqlari va istiqbollari” mavzusida davra suhbati oʻtkazdi..
Shuningdek, Xitoy Xalq Respublikasi Davlat kengashi huzuridagi Yevropa va Osiyo ijtimoiy taraqqiyot instituti, Xitoy xalqaro muammolar akademiyasi, Yevroosiyo tadqiqotlari instituti, Xitoy Zamonaviy xalqaro munosabatlar akademiyasi, Xitoy va globallashuvni o'rganish markazi, Xitoy Xalq Respublikasi Davlat Kengashining Rivojlanish tadqiqotlari markazi huzuridagi Rivojlanish masalalari bo'yicha xalqaro bilimlar markazi rahbariyati bilan ham qator uchrashuvlar bo‘lib o‘tdi.
Uchrashuvlarda ishtirokchilar O‘zbekiston va Xitoy o‘rtasidagi hamkorlikning bugungi holati va istiqbollariga yuqori baho berdilar. Prezident Sh.M.Mirziyoyevning XXRga bo‘lajak davlat tashrifi va XXR Raisi Si Szinpin bilan muzokaralari tarixiy ahamiyatga ega bo‘lib, mamlakatlar o‘rtasidagi strategik munosabatlarni mustahkamlashda yangi bosqichga zamin yaratishi alohida ta’kidlandi.
Xitoylik ekspertlar mamlakatimizda O‘zbekiston rahbari rahnamoligida amalga oshirilayotgan ijtimoiy-siyosiy va ijtimoiy-iqtisodiy islohotlar, Markaziy Osiyo davlatlari bilan munosabatlarni mustahkamlashga qaratilgan tashqi siyosatni yuksak baholadi. Keyingi yillarda mintaqada erishilgan ijobiy oʻzgarishlar Markaziy Osiyo mamlakatlari bilan Xitoy oʻrtasidagi oʻzaro manfaatli hamkorlikni yanada kengaytirish uchun qoʻshimcha shart-sharoit yaratayotgani alohida taʼkidlandi.
XXR ekspert va tahliliy doiralari vakillari “Markaziy Osiyo + Xitoy” formatidagi o‘zaro hamkorlik istiqbollarini alohida ta’kidladilar, bu ham Markaziy Osiyo davlatlari, ham butun mintaqa barqaror rivojlanishida muhim omil bo‘lib xizmat qiladi.
Xitoylik ekspertlarning qayd etishicha, XXR ushbu formatni yanada ilgari surish niyatida, bu esa Markaziy Osiyoda integratsiya jarayonlarini saqlab qolishga yordam beradi.
Muhokamalar chog‘ida ilmiy-tadqiqot markazlari mutaxassislari ikki va ko‘p tomonlama aloqalarni rivojlantirish va chuqurlashtirishga qaratilgan qator taklif va tashabbuslar bilan chiqdi.
Tadbir ishtirokchilari fikr almashishning dolzarbligini qayd etib, O‘zbekiston va Xitoy tahlil markazlari o‘rtasidagi yaqin aloqalarni davom ettirishga kelishib oldilar.
