Markaziy Osiyo xalqaro instituti jamoasi birgalikda Hukumatning qo‘shni davlatlar iqtisodiyoti bilan uyg‘unlashtirib, mintaqalarda iqtisodiy o‘sishni jadallashtirish bo‘yicha milliy-hududiy rivojlanish strategiyasini amalga oshirish borasidagi sa’y-harakatlarini o‘rgandi. Mamlakatimiz hududlari xalqaro miqyosda qabul qilingan diagnostika va strategiyani shakllantirish usullaridan foydalangan holda o‘zlarining hududiy rivojlanish strategiyalarini ishlab chiqayotgan bir paytda, mahalliy hokimiyat organlari va biznes vakillari bilan o‘tkazgan uchrashuvlarimizda, shuningdek, qayerda va qaysi faoliyatda muayyan siyosat va investitsiyalar samaraliroq bo‘lishi mumkinligi aniqlandi. Markaziy, hududiy va mahalliy darajada salohiyatni yaratishga ham alohida e'tibor qaratildi.

 

Qozog‘iston bilan chegaradosh Navoiy eng sanoatlashgan hudud sifatida tanilgan, u yerda bir milliondan ortiq aholi istiqomat qiladi. Keyingi yetti yilda viloyat iqtisodiyoti 82 trillion so‘mdan (6,4 milliard AQSh dollari) oshdi va bugungi kunda respublikada uchinchi o‘rinda turadi. Navoiy tabiiy resurslarga boy, infratuzilmasi yaxshi rivojlangan va inson salohiyati yuqori bo‘lgan viloyatlarimizdan biri hisoblanadi. Bu yerda O‘zbekistonning 5 trillion AQSH dollaridan ortiq qiymatdagi mineral-xom ashyo resurslarining 20 foizi to‘plangan. Viloyatda yiliga 100 trillion so‘mdan ortiq (7,8 milliard dollar) sanoat mahsulotlari ishlab chiqarilmoqda. Aholi jon boshiga to‘g‘ri keladigan daromadlar bo‘yicha Navoiy respublikada ikkinchi o‘rinda turadi, bu esa mahalliy tadbirkorlik, savdo, xizmat ko‘rsatish va turizmni rivojlantirish uchun katta imkoniyatlar yaratmoqda.