Anonslar
15.10.2024
|
264
Toshkentda Maxtumquli Firog‘iy ijodi va merosi bo‘yicha ilmiy simpozium bo‘lib o‘tadi
Joriy yilning 15-oktyabrida Toshkentdagi Markaziy Osiyo xalqaro institutida (MOXI) "Maxtumquli Firog‘iyning adabiy va siyosiy-falsafiy merosi" mavzusida ilmiy simpozium bo‘lib o‘tadi. Tadbir buyuk turkman shoiri va mutafakkirining 300-yillik yubileyiga bag‘ishlanadi.
Simpozium davomida 11-oktyabrda Ashxobodda Maxtumquli yubileyi doirasida o‘tkazilgan "Zamonlar va sivilizatsiyalarning o‘zaro bog‘liqligi – tinchlik va taraqqiyot asosi" xalqaro forumining natijalari muhokama qilinadi. Shoirning adabiy merosi, shuningdek, Maxtumqulining falsafiy va siyosiy qarashlari, ularning jamiyatdagi voqea-hodisalar, davlat boshqaruvi va davlatlar mustaqilligini mustahkamlashga ta’siri ko‘rib chiqiladi.
Markaziy Osiyo xalqaro instituti va O‘zbekistondagi Turkmaniston elchixonasi hamkorligida tashkil etilgan tadbirda mamlakatimizda akkreditatsiyadan o‘tgan qator davlatlarning elchilari, rasmiylar, O‘zbekiston va Turkmanistonning ekspert-tahlil va ilmiy-tadqiqot muassasalari vakillari ishtirok etadilar.
