Ilhom Mahkamovning ta’kidlashicha, ushbu hujjat tez orada ikki davlat o‘rtasida aviaqatnovlarni yo‘lga qo‘yishga zamin yaratadi. Bugungi kunda bunday qatnovlar mavjud emas.

Shuningdek, tomonlar kemasozlik sohasida hamkorlikni rivojlantirishga kelishib oldilar. O‘zbekiston Kaspiy dengizida o‘z paromlarini yaratishni rejalashtirmoqda va Turkmaniston hamda Ozarbayjon kema qurilish zavodlarida kemalar xarid qilish imkoniyatlarini ko‘rib chiqmoqda. Bu tashabbus yuklarni tezkor o‘tkazish va 30–40 kunlik navbatlarni kamaytirishga yordam beradi.

Tomonlar yuk tashish tariflarini o‘zaro kamaytirishga, shuningdek, O‘rta (Transkaspiy) transport koridorida hamkorlikni kuchaytirishga tayyor ekanliklarini bildirdilar.