Uchrashuvda Afg‘oniston masalalarida muntazam muloqot olib borish uchun yangi Aloqa guruhi tashkil etilishi o‘z vaqtida qadam ekanligi ta’kidlandi. Tomonlar mintaqa va Afg‘oniston o‘rtasidagi tarixiy va iqtisodiy aloqalarni inobatga olgan holda, umumiy va muvozanatli yondashuvlarni ishlab chiqish zarurligini qayd etdilar.

Muhokamalarda savdo-iqtisodiy va transport-logistika aloqalarini tiklash, madaniy hamkorlikni rivojlantirish, shuningdek, xavfsizlik sohasida — chegaraviy jinoyatchilik, terrorizm va narkotrafikka qarshi kurash masalalariga e’tibor qaratildi.

Kelgusida bu formatda muntazam uchrashuvlar o‘tkazish bo‘yicha kelishuvga erishildi. Ushbu jarayon Markaziy Osiyoning Afg‘oniston masalalarida mustaqil pozitsiyasini kuchaytirib, butun makroregionning barqaror rivojlanishiga xizmat qiladi.