Konferensiyada O‘zbekiston va xorijdan taniqli olimlar, ekspertlar, diplomatlar hamda davlat idoralari vakillari qatnashdi. Markaziy Osiyo Xalqaro Instituti (MOXI) ham ishtirokchilar qatorida bo‘lib, institutning global va mintaqaviy transformatsiyalar bo‘yicha ekspert muloqotiga qo‘shilishga intilayotganini yaqqol ko‘rsatdi.

Konferensiya uchta tematik sessiya shaklida o‘tkazildi. Unda uzoq muddatli global tendensiyalar va ularning mintaqaga ta’siri, iqtisodiyot va moliya siyosatini modernizatsiya qilish istiqbollari, shuningdek, global beqarorlik sharoitida barqarorlik va xavfsizlikni ta’minlash masalalari muhokama qilindi.

MOXI ishtiroki institutning akademik va ekspert hamkorligini mustahkamlash, xalqaro aloqalarni rivojlantirish hamda Markaziy Osiyoning dolzarb muammolarini hal etishda tahliliy yondashuvlarni almashishga qaratilgan keng qamrovli sa’y-harakatlarining bir qismi bo‘ldi.