Rossiya Strategik tadqiqotlar instituti (RSTI) bilan hamkorlikda tashkil etiladigan ushbu tadbir O‘zbekiston va Rossiya o‘rtasida Ittifoqchilik munosabatlari to‘g‘risidagi Shartnoma imzolanganining 20 yilligiga bag‘ishlanadi.

Davra suhbati davomida ikki davlat ekspertlari O‘zbekiston–Rossiya hamkorligining dolzarb masalalari yuzasidan o‘z fikr va mulohazalarini almashadilar, Markaziy Osiyoda hamkorlikning istiqbolli yo‘nalishlarini muhokama qiladilar hamda qo‘shma loyihalarni rivojlantirish bo‘yicha takliflar ishlab chiqadilar.

Tadbir doirasida iqtisodiy hamkorlik, sanoat kooperatsiyasini rivojlantirish, energetika va transport sohalaridagi aloqalar, mehnat migratsiyasini tartibga solish, ilm-fan va ta’lim, madaniy-gumanitar hamkorlikni kengaytirish, shuningdek, ko‘p tomonlama formatlardagi hamkorlik masalalari muhokama qilinishi rejalashtirilgan.

Muhokamalarda MOXI va RTSI ekspertlari, shuningdek, ikki mamlakatning ilmiy-tadqiqot muassasalari, tahliliy markazlari va akademik doira vakillari ishtirok etadi.