Tadbir “Markaziy Osiyo – AQSh” hamkorlik formati tashkil etilgaligining 10 yilligiga bag‘ishlangan bo‘lib, mintaqalar o‘rtasidagi hamkorlikni yanada chuqurlashtirish bo‘yicha fikr almashish va amaliy takliflar ishlab chiqish maqsadida ilk bor o‘tkazilmoqda.

Tadbir Vashingtonning yetakchi tahliliy muassasalari - Kaspiy siyosati markazi va "Meros" jamg‘armasi, shuningdek, Amerika-O‘zbekiston savdo palatasi, Amerika-Qirg‘iziston va Amerika-Tojikiston ishbilarmonlar kengashlari hamkorligida tashkil etilmoqda.

Forum doirasida hamkorlikning asosiy yo‘nalishlari, jumladan, savdo, investitsiyalar, innovatsiyalar va ilg‘or texnologiyalar masalalari, yashil energetikani rivojlantirish, strategik muhim minerallardan foydalanish hamda madaniy-gumanitar hamkorlikni kengaytirish masalalari muhokama qilinishi rejalashtirilgan.

Forumda AQSh va Markaziy Osiyo davlatlaridan tahliliy markazlar, davlat idoralari hamda xususiy tashkilotlar rahbarlari va vakillarining ishtiroki kutilmoqda.