Sayd-ivent doirasida Markaziy Osiyoda mintaqaviy hamkorlikning asosiy masalalarini muhokama qilish rejalashtirilgan. Shu bilan birgalikda davlat rahbarlarining 7-Maslahat uchrashuvida O‘zbekiston raisligining ustuvor yo‘nalishlariga alohida e’tibor qaratiladi.

Bundan tashqari, qo‘shma tashabbuslarni ilgari surish, ilg‘or tajriba almashish va yagona madaniy-gumanitar makonni shakllantirish orqali madaniyat, ta’lim, fan va turizm sohalarida amaliy hamkorlik qilish istiqbollariga to‘xtalib o‘tiladi.

Forum ishtirokchilari YUNESKOning ta’lim, fan va madaniyat sohalarida qo‘shma loyihalarni ilgari surishda asosiy xalqaro hamkor sifatidagi roli va hissasini muhokama qiladilar.

Tadbirda davlat hokimiyati organlari, xalqaro tashkilotlar, ekspertlar va ilmiy hamjamiyat vakillari, Markaziy Osiyo mamlakatlari diplomatlari va tadqiqotchilari, shuningdek, YUNESKO va BMT hamkorlari ishtirok etadi.

Sayd-ivent mintaqada gumanitar hamkorlikni rivojlantirishga qaratilgan tajriba almashish, o‘zaro anglashuvni mustahkamlash va qo‘shma tashabbuslarni ilgari surish uchun muhim maydonga aylanishi kutilmoqda.