Asosiy tezislar:

✅ Hamjihatlik va umumiy taraqqiyot sari intilishning kuchayishi Markaziy Osiyoning xalqaro munosabatlar subyekti sifatidagi maqomini mustahkamlash va global miqyosdagi rolini oshirish;

✅ Uchrashuvlarimizni mintaqaviy muloqotning maslahat shaklidan “Markaziy Osiyo hamjamiyati” strategik formatiga aylantirish;

✅ Formatimiz institutsional va tashkiliy asoslarini izchil mustahkamlashni nazarda tutadigan Maslahat uchrashuvlari to‘g‘risidagi nizomni ishlab chiqish; 

✅ Rotatsiya asosida faoliyat yuritadigan Kotibiyatni ta’sis etish, milliy muvofiqlashtiruvchilar maqomini Prezidentlarning maxsus vakillari darajasiga ko‘tarish;

✅ Boy hayotiy tajriba va obro‘-e’tiborga ega jamoat arboblaridan iborat Oqsoqollar kengashini tuzish;

✅ Savdo hajmlarini sezilarli darajada oshirish uchun qulay sharoit yaratish maqsadida savdo-iqtisodiy hamkorlik bo‘yicha 2035 yilgacha bo‘lgan davrga mo‘ljallangan keng qamrovli mintaqaviy dasturini ishlab chiqish va qabul qilish;

✅ Keng mintaqamizda yagona investitsiya muhitini shakllantirish uchun shart-sharoitlar yaratish maqsadida yaqin istiqbolda umumiy investitsiya makoni to‘g‘risidagi deklaratsiyani qabul qilish;

✅ Bizning yondashuvlarimizni uyg‘unlashtirish, virtual savdo maydonchalari va ishonchli raqamli to‘lov tizimlarini yaratishni yengillashtirish imkonini beradigan Elektron tijoratni rivojlantirish bo‘yicha qo‘shma chora-tadbirlar dasturini ishlab chiqish;

✅ “Xitoy – Qirg‘iziston – O‘zbekiston” temir yo‘li, Transafg‘on transport yo‘lagi qurilishi, shuningdek, Transkaspiy yo‘laklari kengaytirish kabi yirik loyihalarni amalga oshirish ishlarini muvofiqlashtirish uchun mamlakatlarimiz bosh vazirlari o‘rinbosarlari darajasida Infratuzilmani rivojlantirish bo‘yicha kengash tashkil etish;

✅ Mintaqaviy xavfsizlik va barqarorlik konsepsiyasi, shuningdek, Tahdidlar va xavflar katalogini qabul qilish;

✅ Har yili xalqaro anjuman tashkil etish;

✅ Markaziy Osiyoni “yashil” rivojlantirish konsepsiyasini qabul qilish;

✅ 2026–2036 yillarni “Markaziy Osiyoda suvdan oqilona foydalanish bo‘yicha amaliy harakatlar o‘n yilligi” deb e’lon qilish;

✅ Toshkent irrigatsiya va qishloq xo‘jaligini mexanizatsiyalash muhandislari instituti bazasida Suv xo‘jaligi sohasida kompetensiyalar mintaqaviy markazini tashkil etish;

✅ O‘zbekistonda kelgusi yilda Suvni tejash bo‘yicha butunjahon forumini o‘tkazish;

✅ Ma’naviy meros va ma’rifatparvarlik g‘oyalariga bag‘ishlangan Xalqaro kongressni har yili, formatimizda raislik qiluvchi mamlakatda o‘tkazib borish;

✅ Birlashgan Millatlar Tashkiloti Bosh Assambleyasining mintaqamiz taniqli olim va mutafakkirlarining global ma’rifatparvarlik rivojiga qo‘shgan hissasiga bag‘ishlangan Maxsus rezolyutsiyasini qabul qilish;

✅ Davlatlararo ilmiy loyihalarni moliyalashtirish, akademik hamjamiyatni rag‘batlantirish, mintaqaning intellektual salohiyatini mustahkamlash uchun Ilmiy tadqiqotlar jamg‘armasini tashkil etish.

Batafsil: https://president.uz/oz/lists/view/8674