Filmning ikkinchi qismida Sadir Japarov qirg‘iz-tojik chegarasidagi keskin vaziyat haqida gapirar ekan, murosaga kelishda O‘zbekiston Prezidenti Shavkat Mirziyoyevning bevosita maslahatlari va oqilona siyosiy pozitsiyasi muhim rol o‘ynaganligini ta’kidladi.

Qirg‘iziston tashqi ishlar vaziri Jeenbek Kulubayev ham xuddi shunday baho berib, bu masalani hal qilishda va ikki davlat pozitsiyalarini yaqinlashtirishda aynan Prezident Shavkat Mirziyoyev muhim rol o‘ynaganligini qayd etdi.

Qo‘shni davlat rahbari faoliyatiga bag‘ishlangan filmda Shavkat Mirziyoyevning sa’y-harakatlari alohida e’tirof etilganligi nafaqat minnatdorlik ifodasi, balki uning mintaqaviy siyosat va Markaziy Osiyoda barqarorlikni ta’minlashdagi haqiqiy rolini tasdiqlaydi.

Batafsil: https://telegram.me/NovostiUZ/60109