Tadbir tashkilotchilari — Markaziy Osiyo xalqaro instituti hamda Toshkent shahridagi Qozog‘iston Respublikasi Elchixonasi.
Davra suhbati davomida Qozog‘iston Respublikasi Prezidenti K.-J. Toqayevning O‘zbekistonga 2026-yil 11-aprel kuni bo‘lib o‘tgan tashrifi yakunlari, shuningdek, O‘zbekiston-Qozog‘iston hamkorligining istiqbollari muhokama qilinishi rejalashtirilgan.
Asosiy e’tibor strategik sheriklik va ittifoqchilik munosabatlarini yanada chuqurlashtirish, savdo-iqtisodiy hamda madaniy-gumanitar aloqalarni kengaytirish, o‘zaro hamkorlikni ilgari surish va Markaziy Osiyo mintaqasida hamkorlikni mustahkamlash bo‘yicha amaliy tavsiyalar ishlab chiqishga qaratiladi.
Forum ishida davlat tuzilmalari, diplomatik korpus, yetakchi ilmiy-tadqiqot va tahliliy markazlari, oliy ta’lim muassasalari, shuningdek, ikki mamlakatning madaniy va jamoat tashkilotlari vakillari ishtirok etadi.
Tadbir dasturida ikki tomonlama hamkorlikda ittifoqchilik munosabatlarining o‘rni, savdo-iqtisodiy, investitsiyaviy va transport-logistika sohalarida yangi o‘sish nuqtalarini shakllantirish, shuningdek, mintaqaviy darajada hamkorlikni chuqurlashtirish masalalariga bag‘ishlangan uchta sho’bada muhokamalar o’tkazish nazarda tutilgan.
