Uchrashuv davomida MOXI direktori Javlon Vahabov ushbu kelishuv ikki ilmiy-tadqiqot muassasasi olimlari va ekspertlari o‘rtasida qo‘shma tadqiqotlar o‘tkazish va tajriba almashish uchun yangi imkoniyatlar ochib berishini ta’kidladi.

Memorandum doirasida qo‘shma ilmiy tadbirlarni tashkil etish, hamkorlikdagi tadqiqot loyihalarini amalga oshirish, shuningdek, tahliliy materiallar va ekspert fikrlarini muntazam almashib borish ko‘zda tutilgan.

O‘z navbatida, professor Timofey Bordachyov ushbu memorandum imzolanishi ikki institut o‘rtasidagi kelgusidagi to‘laqonli hamkorlik uchun mustahkam poydevor yaratishini va mintaqaviy rivojlanish hamda xalqaro munosabatlar sohasida ekspertlik muloqotining yangi ufqlarini ochishini ta’kidladi.

Uchrashuv yakunida tomonlar ushbu hujjatning imzolanishi akademik aloqalarni yanada kengaytirish, tahliliy tajriba almashish, qo‘shma loyihalarni amalga oshirish va mintaqaviy rivojlanish masalalari bo‘yicha ekspertlik muloqotini rivojlantirish yo‘lida muhim qadam bo‘lganini qayd etdilar.